Mats Staub: «En tes egls»
Tge che ans collia
Il Literaturhaus Graubünden realisescha durant la stagiun 2026/27, ensemen cun l’artist svizzer Mats Staub, il project artistic participativ «In Deinen Augen». In’experientscha extraordinaria ed in viadi tras il temp per duas persunas che s’enconuschan gia dapi pli ditg.
Participar
Participar pon persunas da mintga vegliadetgna che s’enconuschan dapi almain nov onns: amias ed amis, commembras e commembers da la famiglia, pèrs u persunas parentadas per elecziun.
En duas persunas sesais Vus ina visavi l’autra e guardais ina a l’autra en ils egls. Vus na discurris betg. Durant questa inscunter silenzius pensais Vus a Vossa istorgia communabla, al preschent ed a quai che As spetga. L’inscunter vegn registrà sin video.
Las registraziuns han lieu en la CULARTA casa da cultura a Laax. In termin dura 30 minutas, la registraziun dal film 3–7 minutas. Tut las persunas participantas survegnan sco regal lur video sco download. Ils films pon daventar part da l’installaziun artistica «Stille Zeit» da Mats Staub: in panorama da relaziuns umanas che vegn exponì a partir dal 2027 en differents lieus.
Termins: 27–30 d’october 2026
Durada: 30 minutas
Lieu: CULARTA casa da cultura, Laax
Per participar: annunzia a kommunikation@lithaus.gr
In project communabel dal Literaturhaus Graubünden e da l’artist Mats Staub en collavuraziun cun l’Hotel Waldhaus Sils-Maria, il Festival Lettere dalla Svizzera alla Valposchiavo, la CULARTA casa da cultura a Laax ed il Kunstraum Engländerbau Vaduz (FL).